23 сентября 2018 года, 10:41 (UTC+9:00) t в Якутске: +8.4 (09:00)

Государственное Собрание (Ил Тумэн)
Республики Саха (Якутия)

Официальный сайт

Намҥа М.Е. Алексеева сырдык кэриэһигэр анаммыт «Мария» кинигэ сүрэхтэниитэ буолла

Намҥа М.Е. Алексеева сырдык кэриэһигэр анаммыт «Мария» кинигэ сүрэхтэниитэ буолла
Намҥа М.Е. Алексеева сырдык кэриэһигэр анаммыт «Мария» кинигэ сүрэхтэниитэ буолла
Намҥа М.Е. Алексеева сырдык кэриэһигэр анаммыт «Мария» кинигэ сүрэхтэниитэ буолла
Намҥа М.Е. Алексеева сырдык кэриэһигэр анаммыт «Мария» кинигэ сүрэхтэниитэ буолла
Намҥа М.Е. Алексеева сырдык кэриэһигэр анаммыт «Мария» кинигэ сүрэхтэниитэ буолла
Балаҕан ыйын 12 күнүгэр Нам улууһун Н.М. Рыкунов аатынан киин библиотекаҕа Саха Өрөспүүбүлүкэтин I кылаастаах дьиҥнээх судаарыстыбаннай сүбэһитэ, Саха Өрөспүүбүлүкэтин култууратын үтүөлээх үлэһитэ, Саха Өрөспүүбүлүкэтин бэчээтин туйгуна, Россия суруйааччыларын Сойууһун чилиэнэ, Россия суруналыыстарын Сойууһун чилиэнэ, Эдуард Володин аатынан «Имперскай култуура» национальнай бириэмийэ лауреата, Россия II степеннээх Улахан литературнай бириэмийэтин лауреата, Максим Горькай аатынан Литературнай институкка үөрэнэн сахалартан биир бастакынан тылбаасчыт идэтин баһылаабыт Мария Егоровна Алексеева сырдык кэриэһигэр бэчээттэнэн тахсыбыт «Мария» кинигэ сүрэхтэниитэ буолан ааста.
 
Талааннаах тылбаасчыт Мария Алексеева үтүө аатын, айар үлэтин төрөөбүт дойдутугар, дьонугар-сэргэтигэр арыйан, сырдатан үйэтитиигэ анаммыт тэрээһини Нам улууһун дьаһалтата тэрийэн ыытта. Кинигэ сүрэхтэниитигэр Мария Егоровна биир дойдулаахтара – Модут нэһилиэгин олохтоохторо, Нам улууһун I №-дээх орто оскуолатын үлэһиттэрэ уонна үөрэнээччилэрэ, П.И. Сивцев аатынан Намнааҕы история уонна этнография музейын үлэһиттэрэ,  Дьокуускайтан Мария Егоровнаны кытта араас кэмҥэ алтыспыт, бииргэ үлэлээбит доҕотторо, үөлээннээхтэрэ, суруйааччы Елена Слепцова – Куорсуннаах, тылбаасчыттар Аита Шапошникова, Альбина Борисова, суруналыыстар Евдокия Иринцеева – Огдо, Александр Васильев – Көрдүгэн, Иван Ушницкай, Борис Павлов, Надежда Осипова, Антонина Сивцева, Василий Пак уонна Ил Түмэн аппараатын докумуонунан дьарыктанар управлениетын үлэһиттэрэ кини саха тыла судаарыстыбаннай таһымҥа тахсарын туһугар, саха Олоҥхото аан дойду шедеврэ буоларыгар, Оҕо библията уонна “Кэс тыл” сахалыы тылбаастарыгар улахан сыратын уурбутун, Саха Өрөспүүбүлүкэтин Ил Түмэнигэр өр кэмнээх таһаарыылаах үлэтин, айар талаанын, олоххо, дьоҥҥо сыһыанын туһунан ахтан, санааларын үллэһиннилэр.
 
Мария Алексеева нууччалыы тылбааһыгар биллиилээх поэт Елена Слепцова – Куорсуннаах бэйэтин хомоҕой тыллаах хоһооннорун, Култуура уонна искусство колледжын үөрэнээччитэ Анисия Колесова “Элэс Боотур” олоҥхоттон быһа тардыыны ааҕан иһитиннэрбиттэрэ тэрээһини киэргэттэ, дьон биһирэбилин ылла.
 
Нам улууһун баһылыгын социальнай боппуруоска солбуйааччы Инна Сивцева уус-уран тылбааска биир тарбахха баттанар улахан тылбаасчыт М.Е. Алексеева кэриэһигэр анаммыт кинигэ бэчээттэтэн тахсарыгар үлэлэспит дьоҥҥо улуус салалтатын уонна олохтоохторун аатыттан махталын биллэрдэ. 
 
Людмила Апросимова
Опубликовано: 13.09.2018 17:08 (UTC +9:00)
Просмотров: 648
X
Ошибка в тексте:
Сообщить об ошибке администратору? Ваш браузер останется на той же странице