20 ноября 2018 года, 01:39 (UTC+9:00) t в Якутске: -24.9 (00:00)

Государственное Собрание (Ил Тумэн)
Республики Саха (Якутия)

Официальный сайт

Александр Жирков фольклорист, суруйааччы, суруналыыс П.Н.Дмитриев-Туутук 75 сааһыгар анаммыт «төгүрүк остуол» үлэтигэр кытынна

Александр Жирков фольклорист, суруйааччы, суруналыыс П.Н.Дмитриев-Туутук 75 сааһыгар анаммыт «төгүрүк остуол» үлэтигэр кытынна
Александр Жирков фольклорист, суруйааччы, суруналыыс П.Н.Дмитриев-Туутук 75 сааһыгар анаммыт «төгүрүк остуол» үлэтигэр кытынна
Александр Жирков фольклорист, суруйааччы, суруналыыс П.Н.Дмитриев-Туутук 75 сааһыгар анаммыт «төгүрүк остуол» үлэтигэр кытынна
Ил Түмэн вице-спикерэ, Олоҥхо уон сылын бэлэмнээн ыытар Саха Республикатын национальнай тэрийэр кэмитиэтин бэрэссэдээтэлэ Александр Жирков бэс ыйын 6 күнүгэр «Полевые исследования фольклора: опыт и перспективы» диэн фольклорист, суруйааччы, суруналыыс, ССРС НА СО үтүөлээх ветерана П.Н.Дмитриев-Туутук 75 сааһыгар анаммыт «төгүрүк остуол» үлэтигэр кытынна.
 
Бу тэрээһиҥҥэ Саха сирин билиилээх учуонайдара, наука доктордара, профессордар Петр Никифорович Дмитриев научнай, общественнай улэтин туһунан дакылааттары оҥордулар, санааларын эттилэр. «Төгүрүк остуол» үлэтин философскай наука доктора, профессор Василий Илларионов салайда. П.Н.Дмитриевы үбүлүөйүнэн чиэстээһини ГЧ уонна ААХНПИ дириэктэрэ, историческай наука кандидата Анатолий Алексеев салайан ыытта.
 
Ил Түмэн вице-спикерэ, Олоҥхо уон сылын бэлэмнээн ыытар Саха Республикатын национальнай тэрийэр кэмитиэтин бэрэссэдээтэлэ Александр Жирков тыл этэригэр П.Н.Дмитриев хомуйбут айымньылара источникка олус чугастарынан уратылаахтарын бэлиэтээн туран, туөрт уонча сыл устатыгар олоҥхону хомуйууга дьаныардаахтык ыыппыт үлэтэ улахан кэскиллээҕин, Саха культуратын харыстааһыҥҥа, араҥаччылааһыҥҥа сүҥкэн суолталааҕын эттэ.
 
Итини тэҥэ, кини, аҕыйах хонугунан Олоҥхо Ыһыаҕа буолаары турарын, Мэҥэ-Хаҥалас Саха сирин биир бастыҥ, аатырбыт олоҥхоһуттарын дойдута буоларын, Мэҥэ-Хаҥалас улууһун Олоҥхо Ассоциацията саха норуота былыр-былыргыттан тутан кэлбит айымньытын, олоҥхону, сөргүтэргэ бу улууска тустаах үлэни ыытарын, саха философиятын, үгэһин илдьэ сылдьар дьоҥҥо ону көрдөрөр, тарҕатар күүс буоларын уонна Мэҥэ-Хаҥаластан төрүттээх Петр Никифорович Дмитриев өбүгэлэрин утумнааччы, салҕааччы киһи буолан, үлэтин, олоҕун олоҥхону хомуйууга, айар үлэҕэ анаабытын бэлиэтээтэ.
 
Александр Жирков П.Н.Дмитриев одҥхону харыстааһыҥҥа, тарҕатыыга, үйэтитиигэ киллэрбит кылаатын бэлиэтээн туран, киниэхэ Саха Республикатын Государственнай Мунньаҕын кыһыл көмүс чаһылаах Бочуоттаах Грамотатын туттарда.
 
П.Н.Дмитриевы эҕэрдэлээтилэр: СР Ытык Сүбэтин бэрэссэдээтэлэ Люлия Григорьева, РНА Президиумун бэрэссэдээтэлэ, член-корреспонденэ, профессор, техническай наука доктора Михаил Лебедев, Мэҥэ-Хаҥалас улууһун баһылыга Николай Старостин салайааччылаах П.Н.Дмитриев биир дойдулаахтарын делегацията,Чурапчы, Амма улуустарын бэрэстэбиитэллэрэ, СР духуобунаска Академиятын президенэ, ССРС, РФ, СР народнай худуоһунньуга Афанасий Осипов, РСФСР народнай худуоһунньуга Афанасий Мунхалов, Саха сирин суруйааччыларын уонна «Чолбон» сурунаал аатыттан Николай Винокуров-Урсун уо.д.а
 
Петр Дмитриевка уонна кини кэргэнигэр ССРС, РФ народнай артыыһыгар Анегина Ильина-Дмитриеваҕа анаан истиҥ тыллары эттилэр, бэлэх туттардылар.
 
Ил Түмэн пресс-сулууспата   
Опубликовано: 7.06.2013 10:42 (UTC +9:00)
Просмотров: 1183
X
Ошибка в тексте:
Сообщить об ошибке администратору? Ваш браузер останется на той же странице