19 июня 2019 года, 07:13 (UTC+9:00) t в Якутске: 23 (09:00)

Александр Жирков Бурятия сокуону оҥорооччуларын Народнай Хурал 20 сылынан эҕэрдэлээтэ

Ил Түмэн Бэрэссэдээтэлэ Александр Жирков 2014 сыл бэс ыйын 26 күнүгэр Бурятия Өрөспүүбүлүкэтин Народнай Хурала 20 сылыгар аналлаах общественность үөрүүлээх мунньаҕар кытынна. 
 
Бурятия сокуону оҥорооччуларын эҕэрдэлии Российскай Федерация  Федеральнай Мунньаҕын Федерация Сэбиэтин чилиэннэрэ, Судаарыстыбаннай Дуума депутаттара, регионнар салайааччылара, Российскай Федерация субъектарын судаарыстыбаннай былаастарын сокуону оҥорор уорганнарын бэрэстэбиитэллэрэ кэлбиттэр. 
 
Үбүлүөйдээх тэрээһин чэрчитинэн “Российскай Федерация Конституциятын 20 сыла: Российскай Федерация субъектарын конституционнай сайдыыларын тирээн турар проблемалара” темаҕа РФ Федеральнай Мунньаҕын Федерация Сэбиэтин Конституционнай сокуоҥҥа уонна судаарыстыбаннай тутууга кэмитиэтэ бэйэтин көһө сылдьар мунньаҕын тэрийэн ыытта.   
Бурятия Народнай Хуралын 20 сылыгар аналлаах үөрүүлээх тэрээһин өрөспүүбүлүкэтээҕи Опера уонна балет театрыгар буолла. Дьоро түгэҥҥэ Народнай Хурал бары ыҥырыыларын депутаттара, Российскай Федерация  Федеральнай Мунньаҕын Федерация Сэбиэтин чилиэннэрэ, Судаарыстыбаннай Дуума депутаттара, Россия субъектарыттан, ыаллыы Монголияттан ыҥырыылаах ыалдьыттар сырыттылар. 
 
Народнай Хурал Бэрэссэдээтэлэ Матвей Гершевич “20 сылга Бурятия Өрөспүүбүлүкэтин сокуоннарын туругун туһунан” дакылаатыгар өрөспүүбүлүкэ сокуону оҥорор уорганын историятын сырдатта.
  
Саха Өрөспүүбүлүкэтин парламенын спикерэ Александр Жирков Бурятия Өрөспүүбүлүкэтин Народнай Хуралын 20 сылынан Ил Түмэн депутаттарын уонна аппараатын аатыттан эҕэрдэлээтэ. Кини Бурятия Өрөспүүбүлүкэтин народнай депутаттара бу сүүрбэ сыл устатыгар сүҥкэн үлэни ыыппыттарын, парламент үлэтигэр улахан уопуту муспуттарын бэлиэтээтэ. Чахчыта да, Бурятия сокуону оҥорор (бэрэстэбиитэллээх) былааһын института баай историялаах. Парламент сокуону оҥорор үлэтин ыҥырыы ахсын тупсаран, нуормалыыр базата бөҕөргөөбүтэ. Ол тухары депутаттар корпустарын сүрүн соругунан Бурятия Өрөспүүбүлүкэтин социальнай-экономическай сайдыытыгар уонна нэһилиэнньэ олоҕун таһымын үрдэтиигэ сокуон өттүнэн бигэ олугу ууруу буолар.
Бурятия Өрөспүүбүлүкэтин парламена  ситэриилээх уонна муниципальнай  былаастары, гражданскай уопсастыбаны кытта көнө сүрүннээх бииргэ үлэлээһинэ өрөспүүбүлүкэҕэ политика уонна экономика эйгэлэригэр бигэ туругу тутууга, демократическай уларыйыылары ситиһиилээхтик ыытыыга улахан көдьүүстээх. 
 
Народнай Хурал өрөспүүбүлүкэ сокуону оҥорор үрдүкү уоргана буолан туран, Бурятия тэтимнээх сайдыытын тэрийэр, социальнай, экономическай тирэхтэрин олохтуур сокуоннары ылынар. Саха сирин парламенын спикерэ икки өрөспүүбүлүкэ сокуону оҥорор уорганнарын бииргэ үлэлээһиннэрэ бөҕөргөөһүнэ инникитин да Бурятия уонна Саха сирин  уопсай кыһалҕаларын быһаарыыга итиэннэ федеральнай сокуоннары кыттыгас көҕүлээһини олоххо киллэриигэ көмөлөһүөҕэр эрэнэрин биллэрдэ.   
Ил Түмэн спикерэ тыл этиитигэр кини Бурятияҕа Хабаровскайтан, онно “Дальнай Восток уонна Байкал регионун социальнай-экономическай сайдыыта” Российскай Федерация судаарыстыбаннай тосхолун олоххо киллэриини сокуон өттүнэн өйөөһүн” тематыгар РФ Федеральнай Мунньаҕын Судаарыстыбаннай Дууматын Региональнай политикаҕа уонна Хоту сир итиэннэ Дальнай Восток проблемаларыгар кэмитиэтин кытта кыттыгас ыытыллыбыт “төгүрүк остуол” үлэтигэр кыттан, кэлбитин бэлиэтээтэ. «Ити тэрээһиҥҥэ макрорегион социальнай-экономичсекай сайдыытын хааччыйыыга Дальнай Восток сокуону оҥорооччуларын ураты оруола бэлиэтэннэ», - диэтэ Александр Жирков уонна парламеннар икки ардыларыгар, ол иһигэр, “Дальнай Восток уонна Забайкалье” Парламеннар Ассоциацияларын 2014 сыл муус устарыгар Дьокуускайга ыытыллыбыт Уопсай мунньахтарын кэмигэр Ассоциация састаабыгар киирбит Бурятия Народнай Хуралын кытта, бииргэ үлэлээһин салгыы сайдан иһиэҕэр эрэнэрин биллэрдэ. 
 
Ил Түмэн Бэрэссэдээтэлэ Бурятияҕа сокуону оҥоруу эйгэтигэр үлэлии сылдьар коллегаларыгар быһаарыылары ылыныыга ыллыктаах муударай санааны итиэннэ нэһилиэнньэ ытыктабылын, өйөбүлүн баҕарда.   «Эһиэхэ айымньылаах үлэҕитигэр ситиһиилэри, саха алмааһыныы кытаанах, чэгиэн чэбдик туругу, дьолу уонна этэҥҥэ буолууну баҕарабыт”, - диэтэ Александр Жирков.
 
Үөрүүлээх түгэҥҥэ Бурятия Өрөспүүбүлүкэтин баһылыга Вячеслав Наговицын, Федерация Сэбиэтин сенатордара, Народнай Хурал бастакы уонна иккис ыҥырыытын спикерэ Михаил Семенов уонна да атыттар. 
 
Ил Тумэн пресс-сулууспата
 
 
 
 
Опубликовано: 28 июня, 2014 - 19:39
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
^ Наверх ^
X
Ошибка в тексте:
Сообщить об ошибке администратору? Ваш браузер останется на той же странице