19 июня 2019 года, 07:11 (UTC+9:00) t в Якутске: 23 (09:00)

Александр Жирков Саха сирин государственноһын күнүнэн эҕэрдэ тыла

Ытыктабыллаах Саха сирин олохтоохторо!
Күндү доҕоттор!
 
Саха Өрөспүүбүлүкэтин Ил Түмэнин аатыттан Саха сирин государственноһын күнүнэн эҕэрдэлиибин.
 
1990 сыл балаҕан ыйын 27 күнүгэр биһиги өрөспүүбүлүкэбитигэр Государственнай суверенитет туһунан декларация ылыныллыбыта.
 
Декларацияны ылыныы биһиги өрөспүүбүлүкэбит Россия Федерациятын тэҥ бырааптаах субъегын быһыытынан сайдар суолун саҥа кэрэһитэ буолбута.
 
Бүгүн Саха Өрөспүүбүлүкэтэ Российскай Федерация биир тэтимнээхтик сайдар субъегынан буолар. Өрөспүүбүлүкэ сиригэр-уотугар нэһилиэнньэ олоҕун таһымын үрдэтэр хайысхалаах улахан инвестиционнай бырайыактары, социальнай программалары киллэриигэ утумнаах үлэ ыытыллар. Россия илин хайысхатын сайыннарыыга туһаайыллыбыт программа оҥоһулунна. Россия экономикатыгар стратегическай суолталаах «Сибиир күүһэ» бырайыак чэрчитинэн гаас ситимин тутуу саҕаланна. Дьон-сэргэ олоҕо туруктаах буолуутугар, социальнай соруктары толорууга, тыа сирин олохтоохторун сылаас оттугунан хааччыйыыга ити бырайыак улахан туһалаах буолуоҕа.
 
2014 сыл балаҕан ыйын 14 күнүгэр буолбут Саха Өрөспүүбүлүкэтин Ил Дарханын быыбарыгар бу иннинэ өрөспүүбүлүкэ Президенинэн үлэлээн кэлбит Егор Афанасьевич Борисов итэҕэтиилээхтик кыайда. Өрөспүүбүлүкэ салайааччытын бүттүүн тэҥ уонна быһаччы талар быраапка олоҕуран быыбардааһын ыытыллыбатаҕа 12 сыл буолла. Саха Өрөспүүбүлүкэтин Ил Түмэнин аатыттан өрөспүүбүлүкэ дьонугар-сэргэтигэр быыбарга көхтөөх кыттыыгыт иһин махтанабын.
 
Өрөспүүбүлүкэ парламенын иннигэр кэскиллээх былааннары сэргэ олохтоох нэһилиэнньэ интэриэһин сокуонунан хааччыйыы чопчу соруга турар. Парламентаризм тутулун сайыннарыы, былаас бары салаалара дьон олоҕун-дьаһаҕын тупсарыыга биир сомоҕо буолан түмсүүлээхтик үлэлээһиннэрэ Саха сирэ инники кирбиигэ тахсарыгар олук буолуоҕа.
 
Ытыктабыллаах Саха сирин олохтоохторо! Эһиэхэ барыгытыгар чэгиэн туругу, уйгулаах олоҕу, сарсыҥҥы күҥҥэ энчирээбэт эрэли, дьолу-соргуну, ситиһиилэри баҕарабын!
 
Саха ӨрөспүүбүлүкэтинИл Түмэнин БэрэссэдээтэлэА.Н. Жирков
 
Опубликовано: 26 сентября, 2014 - 16:37
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
^ Наверх ^
X
Ошибка в тексте:
Сообщить об ошибке администратору? Ваш браузер останется на той же странице