12 ноября 2019 года, 05:45 (UTC+9:00) t в Якутске: -25 (09:00)

Кырдьаҕастар аан дойдутааҕы күннэринэн эҕэрдэ!

Күндү сэрии уонна үлэ бэтэрээннэрэ, ытыктабыллаах аҕа саастаах кырдьаҕастарбыт!
 
Саха Өрөспүүбүлүкэтин Ил Түмэнэ Кырдьаҕастар аан дойдутааҕы күннэринэн итиитик-истиҥник эҕэрдэлиир!
 
Бу ураты суолталаах күн биһиги аҕа саастаах кырдьаҕастарбытыгар төрөөбүт республикаҕыт уонна дойдугут сайдыытыгар сүҥкэн кылааккыт, албан ааттаах үлэҕит, эстибэт эрчимҥит уонна дойду, норуот туһугар бэриниигит иһин истиҥ махтал уонна биһирэбил тылларын этэбит.
 
Кырдьаҕастар аан дойдутааҕы күннэрэ ытыктабыл уонна үгэс эрэ быһыытынан бэлиэтээһин буолбакка, аҕа көлүөнэ дьонугар күннэтэ ахсаабат болҕомто, истиҥ кыһамньы уурарбытын санатар ытык күн буолар. Олорон ааспыт историятын билбэт эбэтэр умнубут норуот кэскилэ суох диэн мээнэҕэ эппэттэр.
 
Аҕа саастаах дьону ытыктааһын, өрө тутуу биһиэхэ былыр былыргыттан баар үгэс. Саха сирэ уһун үйэлээхтэринэн уруккуттан аатырар. Өрөспүүбүлүкэ нэһилиэнньэтин уопсай араҥатыгар сыһыаннаан пенсионердар ахсааннара аҕыйаҕа суох. Кинилэр дьоһуннук кырдьалларын, олохторун тупсарын хааччыйыы республика социальнай политикатын биир сүрүн хайысхатынан буолар.
Ил Түмэн аҕа саастаах дьон социальнай өйөбүлүнэн туһаныыларын күүһүрдэр тустаах сокуоннары ылынар. Ол түмүгэр сэрии, тыыл уонна үлэ бэтэрээннэригэр көрүллэр социальнай мэктиэлэр, чэпчэтиилэр эбии көрүлүннүлэр, соҕотох хаалбыт аҕам саастаах дьону көрүүгэ-харалтаҕа ылар ыаллар баар буоллулар. Биһиги бэтэрээннэрбит уонна пенсионердарбыт кэлэр кэскиллэрэ туруктаах буолуутун хааччыйарга көдьүүстээхтик үлэлиэхпит.
 
Күндү бэтэрээннэр! Эһиги үлэҕэ сыһыаҥҥыт, олоххо баай көрүүгүт-үөрүйэххит, санааҕыт күүһэ биһиэхэ куруук холобур буолар. Эһиги дьиэ кэргэҥҥит сылаас истиҥ сыһыаныгар угуттанан, өр сылларга этэҥҥэ олоруҥ! Уһун үйэни, чэгиэн доруобуйаны, дьолу-соргуну!
 
Саха Өрөспүүбүлүкэтин Ил Түмэнэ

Опубликовано: 30 сентября, 2014 - 16:29
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
^ Наверх ^
X
Ошибка в тексте:
Сообщить об ошибке администратору? Ваш браузер останется на той же странице