22 сентября 2019 года, 07:41 (UTC+9:00) t в Якутске: 1 (09:00)

Кыргызстаҥҥа М.К. Аммосов пааматынньыгын туруоруу үлэтэ саҕаланна

Кыргызстантан Ил Тумэн вице-спикерэ Александр Жирков биллэрбитинэн бүгүн, алтынньы 24 күнүгэр, Кыргызстан киин куоратыгар Бишкеккэ саха норуотун чулуу уола М.К. Аммосов пааматынньыгын туруоруу үлэтэ саҕаланна.
 
М.К. Аммосов пааматынньыга Бишкек куорат киинигэр Чингиз Айтматов аатынан Дубовой паркаҕа туруоруллуоҕа. Мантан 200-чэ хаамыыылаах сиргэ 1937 сыллаахха сэтинньи 7 күнүгэр М.К. Аммосов Бишкек олохтоохторун демонстрациятыгар тыл эппитэ. Пааматынньык туруохтаах сиригэр Александр Жирков М.К. Аммосов төрөөбүт дойдутуттан аҕалбыт буорун уурда уонна бу сиртэн буор ылан М.К. Аммосов төрөөбүт алааһыгар аҕалыаҕа.
 
Александр Жирков саҥа анаммыт Кыргызстан Правительствотын Бэрэссэдээтэлин солбуйааччы Камила Талиеваны, Бишкек куорат мэрин Иса Омуркуловы, Кыргызстан Правительствотын аппараатын салайааччы бастакы солбуйааччытын  Оканбай Бахтыгуловы, культура министрин Ибрагим Жунусовы уо.д.а. салайааччылары кытта көрсөн, Кыргызстан саҥа салалтатыгар М.К. Аммосов пааматынньыгын туруорарга дьаһалы бигэргэттэрдэ.
 
Скульптор Тургунбай Садыков этэринэн, М.К. Аммосов пааматынньыгын туруоруу үлэтэ сэтинньи ый ортотун диэки бүтүөҕэ. Саҥа сөбүлэһии быһыытынан Кыргызстаҥҥа М.К. Аммосов 115 сааһыгар аналлаах тэрээһиннэргэ Саха Республикатын официальнай уонна культурнай делегацията ахсынньы ый саҥатыгар барыаҕа.
 
 
Ил Тумэн пресс-сулууспата
 
 

Опубликовано: 24 октября, 2012 - 15:37
Заметили ошибку в тексте? Выделите ее и нажмите Ctrl+Enter, чтобы сообщить об этом администратору.
Спасибо!
^ Наверх ^
X
Ошибка в тексте:
Сообщить об ошибке администратору? Ваш браузер останется на той же странице